Agora que existe a cruzada da ministra Salgado en contra da obesidade, quixeramos compartir con todos vos a nosa cruzada persoal en contra da graxa hidroxenada ou parcialmente hidroxenada.
A verdade é que non se fai moito fincapé nos perxuízos deste produto en ningunha campaña neste estado. Cando noutros coma Dinamarca obrigan a que os fabricantes especifiquen no seu etiquetado se os produtos están ceibes dela.
Dita graxa é nefasta para as arterias, xa que as vai "cementando" ata que se taponan, producindo posíbeis consecuencias como infartos ao corazón, ictus... a industria alimentaria emprega este tipo de graxas porque resultan baratas e axudan a conservar os alimentos, ademáis as graxas vexetais gozan de moita máis popularidade entre os consumidores que as de orixe animal.
Esta graxa a podedes atopar en multitude de produtos: case todas as marcas de galletas,xelados, toda clase de bollería, algunas chocolatinas, algúns pans de sandwich, margarinas, todo tipo de cremas como a nocilla...calquera produto deste tipo que non conteña manteiga é case seguro que levará graxa hidroxenada, incluso aqueles que fachendean de ser "beneficiosos para o colesterol".
Por iso é importante que leades o etiquetado antes de consumir calquera produto, e evitedes os que a levan.
Sempre é mellor consumir grasa animal, con moderación, que aceites vexetais total ou parcialmente hidroxenados.
Posto por MacLapfer e Fror de toxo
Chúzao
del.icio.us
O falar non ten cancelas se compón de tres membros, dous adultos e un neno. Xa nos iredes coñecendo. 
Comentarios(4) »
O mundo da alimentación debe estar en mans dunha mafia moi poderosa
Pois moitas grazas pola información, non tiña nin idea do tema este da graxa hidroxenada. Saúdos aos tres.
Un saúdo X. Hoxe estiven varias veces no teu blog intentando deixar un comentario pero non hai forma, non sei porqué.
Pois non están as cousas como para andar perdendo comentaristas así como así. Grazas por visitalo e intentalo :)
Deixar un Comentario