O falar non ten cancelas

Algúns medios fanse eco das listas do BNG e poñen en titulares que so irán os estómagos agradecidos de Quin e os da U. e que os críticos se quedarán fóra.

Pero se isto a min non me sorprende nada, era o obxectivo do "King", facer do BNG un novo CIU á Galega, unha confluencia de dúas forzas que se repartan o poder da organización, unha organización cada vez máis antidemocrática, e onde os militantes voten a Búlgara iso si sen voz na asemblea nacional, o que diga o "King" de turno.

Lamentábel, sigo a perguntarme porque quedan os críticos neste BNG desvirtuado, desligado dos valores orixinais do mesmo. Por que motivo esperan a súa agonía o seu paso ao ostracismo. Non o entendo, non entendo porque non se organizan e crean a REFUNDACIÓN DO NACIONALISMO ASEMBLEARIO para volver a empezar de cero, se o fixesen terían o meu voto, xa que agora me atopo orfo para as vindeiras eleccións.

Posto por MacLapfer.

Isto é inconcebíbel o "King" Quin gastando orzamentos en publicidade para o tema de exclusión social nas vallas das paradas  dos buses das principais cidades galegas cunha foto dun/ha hipotético/a excluído/a co eslogan "hoxe é el/a mañá podes ser ti" (esta publicidade é carísima), e despois me entero que segue a dar cartos a entidades relixiosas para que sigan a facer caridade cos máis vulnerábeis da sociedade nos comedores económicos e albergues.

 Unha vergoña Sr Quin. O que ten que facer é deixar de malgastar os  orzamentos  facendo publicidade institucional e seguindo a manter ordes relixiosas.

O normal nunha sociedade democrática, laica e digna sería crear  albergues públicos nas grandes cidades galegas para que os sen teitos teñan a oportunidade de asearse, durmir ao quente e axudalos a conseguir un emprego protexido, dándolle recursos para que teñan sensación de control sobre a súa propia vida.

Temos que fuxir así da indefensión adquirida reforzada ao longo de moitos anos con malas políticas asistenciais e de caridade.

 Non é de recibo que se teña que aturar a cambio dun plato quente ningún dogma relixioso nin a indigna caridade que contribúe a distruír aínda máis a estes cidadáns/ás.

Posto por MacLapfer

Atopei este video en you tube paréceme que as veces hai que rematar a semana cun pouquiño de humor, a pesar de todo.

Deus nos libre que gañe o Partido Popular dentro duns dez anos porque non hai máis que ver como andan as súas Xuventudes Hitlerianas do partido, cunha mensaxe Ultraliberal que ningunha dereita nin liberal nin conservadora de Europa se atreve a propor. Pero xa se sabe España quer ser por fin vangarda en algo, en fascismo cecais?

En que sociedade vivimos?, cando centos de persoas fan quenda para mercar un video xogo violento que foi prohibido ata no Xapón.

Miles de rapaces facendo unha quenda de 8 horas, a verdade que os teñen ben controlados mentres están coa video consola "xogando a matar" non están levantando barricadas por un mundo máis xusto e por riba aprenden a eliminar, por se un día o teñen que facer nunha situación que non sexa tan virtual.

De verdade, moito desprestixar a xuventude do maio do 68 pero dame un/ha so/a mozo/a daqueles levantando barricadas cos adoquíns das rúas por cen destes que fan quenda por un video xogo.

Posto por MacLapfer.

Noraboa EEUU, por fin parece que o pobo norteamericano madurou, ou polo menos parte del. (A américa profunda segue en pañáis, Nebraska, Texas, as dúas Dakotas....)

É posíbel que OBAMA  decepcione co tempo, porque o sistema está putrefacto, Washington está putrefacto, e despois de tanta financiación recaudada deberá moitos favores que lle van coartar a liberdade de acción en cada un dos temas prometidos no programa electoral.

Pero non é menos certo tamén  que o mero feito de que o pobo Norte Americano vote de xeito masivo a unha persoa de cor, co nome de Barack Husein Obama, cun programa máis social do habitual para ser Estados Unidos, amosa un gran desexo de cambio, despois de tantos anos de padecemento da cidadanía máis modesta desta nación  (máis de dez anos), agudizado agora pola crise destes últimos meses. Polo que sería convinte que os futuros colaboradores da casa blanca o teñan en conta, non xoguen coa esperanza de tantos millóns de persoas e polo menos se atrevan a cumprir cunha parte do programa electoral coa marxe de manobra que lles quede e facer dos Estados Unidos un país maís habitábel, democrático e humano.

Por iso poño este video en homenaxe dunha persoa que no seu día tivo un soño, ao mellor empezou a cumprirse, quen sabe.

A xente está indignada pola nova do coche oficial de Touriño, é non me estraña, nesta época de crise onde centos de persoas estarán proximamente na quenda do SERVIZO PÚBLICO DE "DESEMPREGO", onde cos nosos tributos, os nosos orzamentos e digo nosos porque vai sendo hora que estes politiqueiros saiban que eses cartos non son deles, son nosos, están a pagar a catástrofe de catro especuladores sen participación pública nas empresas (non é por nada pero se vou pagar a chapuza dos especuladores capitalistas quero unha participación pública nestas empresas e neses bancos, quero en definitiva que se nacionalice), e aínda por riba temos que oír que nos temos que esforzar, que hai que apertar o cinto, que veñen malos tempos, en definitiva que "hai que foderse", o de sempre o que ten, ten e o que non, pois excluído, porque hoxe é el, pero mañá podes ser ti, como di a campaña de  Vicepresidencia do II plan de exclusión social.

Pero o do coche de Touriño é unha parte mínima, xa que se a todo iso lle sumamos que Galiza debe ser o país con máis coches oficiais por cada mil habitantes, onde calquera "Petit Maitre" que se cre a vangarda do proletariado (agora proletariado de centro iso si) ten un coche oficial (seino ben algúns deles foron á universidade comigo, os mais marxistas que ninguén, os máis femenistas que ninguén... iso si xa algo me cheiraba daquela que eran calquera cousa menos demócratas,  cando se carteaban coas xuventudes Comunistas de  Korea do Norte) .

Pero o gasto supérfluo da Xunta de Galiza non so se limita nos coches oficiais, non hai mais que ver o moito que traballan as empresas de publicidade, produtoras de TV e o sector da industria gráfica en xeral para a xunta, debe ser o único sector que non está en crise facendo propaganda institucional, ao mellor é para iso que o Quinigá obtivo eses 125 millóns de euros máis para salvar o sector da industria gráfica, e o do sector automobilístico de luxo. Non sei terei que mirar a "Quin tv e Quin te ve" a ver se mo explican.

Posto por Mac Lapfer

Este domingo fun ver esta obra da compañía LAGARTA LAGARTA con Pico e Ernesto Chao, como se agradece cando os actores xa teñen as súas tablas no escenario.

Unha obra que recomendo por deixarme un bo sabor de miolos ao través do sorriso, tenrura e melancolía.

Posto por MacLapfer