O falar non ten cancelas

Non sei se coñecedes o experimento de Martín Seligman que expuña a dous cans, pechados en cada un na súa gaiola, a descargas eléctricas ocasionais. Un deses cans tiña a posibilidade de accionar un dispositivo coa boca para deter a descarga, mentres que o outro animal non tiña medios para facelo. O tempo de descarga era igual para ámbolos dous cans, xa que a recibían no mesmo momento, e cando o primeiro can cortaba a electricidade, o outro tamén a deixaba de recibir.

O efecto psicolóxico en ámbolos dous animais era moi distinto; mentres o primeiro amosaba un comportamento e un ánimo normal, o outro permanecía quieto, triste e asustado, co que a importancia da sensación de control no estado de ánimo parecía amosada. Incluso cando a situación cambiaba para o segundo animal, e xa si podía controlar as descargas, non era quen de darse conta e seguía a recibilas sen intentar nada para evitalo.

Seligman empregou este experimento para falar da  teoría da INDEFENSIÓN APRENDIDA para intentar explicar un dos mecanismos da depresión.

Pois ben eu creo que co pobo galego, a nivel psicosocial, pasou algo parecido. Os galegos e galegas ao longo de moitos séculos lles quitaron a percepción de control sobre o seu destino, fomentando entre outras cousas un forte locus de control externo e unha INDEFENSIÓN APRENDIDA moi arraigada na cultura popular, véxase expresións como “ti non podes facer nada, non podes cambiar nada...”, “hai que baixar as orellas..”, “eles teñen a tixola polo mango”...etc.

Nin que dicir ten que calquera manifestación de poder se apoiou no pasado e se apoia agora no noso país nesta cultura para non aplicar ningún tipo de acción democrática e seguir tratando a cidadanía como se fose menor de idade. (Igrexa, Administración, Empresas, Partidos políticos...). Si os partidos políticos tamén, a proba máis sangrante a temos cos 16 anos do PARTIDO POPULAR DE GALICIA, pero o que é máis lamentábel é que tamén se aproveitan desta situación os partidos de esquerda, e aínda peor o BLOQUE NACIONALISTA GALEGO, quen defendeu ao longo de tantos anos a dignidade dos/as galegos/as, a autodeterminación do pobo galego, é agora son un dos centros de poder que reforza a INDEFENSIÓN APRENDIDA CULTURAL DO POBO GALEGO, para a realización de políticas ANTI DEMOCRÁTICAS, PATERNALISTAS, CLIENTELARES.... É lamentábel e deplorábel.

É hora que exista unha organización que lle devolva a percepción de control á cidadanía, que vexa que as súas decisións son tidas en conta e que son partícipes dos seu devenir.

Posto por MacLapfer.

Cara a que modelo imos agora?

 Teño a sensación de que non hai moito interese en falar doutro modelo fóra do ámbito “altermundista”, os cafres que levaron este planeta a unha situación de kaos con moito esforzo intentan quentarnos as orellas prometendo que van ser bos,  con frases bonitas como a da refundación do capitalismo ou de que ten que haber máis control dos paraísos fiscais.... mentres  chupan todos do bote, canto carto  público poden chupar, cartos dos orzamentos de todos e todas, os/as que traballan nas súas organizacións multinacionais por salarios miserentos,   dos/as que se quedaron en situación de desemprego por unha ERE, dos/as que a duras penas chegan ao final de mes porque a propia banca os está aforcando .... dos/as que en definitiva de xeito honrado traemos o pan á casa. Nós pagamos a factura, aos mesmos que durante tantos anos nos dixeron que outro mundo non era posíbel, que isto era a lei da selva, que estabamos evolucionando seguindo un patrón de Darwinismo social no que cada un tiña o que se merecía, no que un duro vendías un duro valías,  e na que o Estado non tiña que regular nada porque o libre mercado o regula e soluciona todo.

Esta tolemia chegou a un punto tan esquizofrénico na que un ser Social Demócrata (pero os de verdade, non os que se fan chamar social demócratas e son liberais) era un ser radical, iluso e utópico. Polo que a maioría das organizacións Social Demócratas do mundo occidental tomaron nota e foron traidores ao seu propio ideario. Todo o mundo era xa LIBERAL, ou seudoliberal (TERCEIRA VÍA, SOCIALIBERAL...) e o que é peor a todo o mundo se lle fixo crer que era de clase media, e se non o era estaba a piques de selo. A súa vez as forzas á esquerda da socialdemocracia quedaron relegadas ao ostracismo porque eran uns iluminados, ían en contra corrente, ían contra o déficit público...GASTO SOCIAL que atraso. Canto menos estado mellor. Se gastas nos máis febles non deixas medrar aos demáis, ou sexa á clase media.Pero agora o gasto é enorme, un gasto que á cidadanía se lle escapa ( unha das razóns porque lles ocultan a información) para salvar a banca, as multinacionais, aos especuladores, para salvar como din eles o sistema, QUE SISTEMA? o que fai que pouco menos de 300 persoas aglutinen a riqueza de 3000 millóns de almas do planeta, ou sexa o 50%, este sistema é o que temos que salvar.

A cidadanía ten que estar alerta, porque no momento que podan van intentar manter este sistema, e intentará que esquezamos que fomos o eslavón máis feble do mesmo que lles salvou o cu. E volverán ás mensaxes LIBERAIS de que hai que conter o gasto público, que non hai que invertir en servizos sociais, sanidade, educación pública....   Se lles deixamos volverán as andadas. Non están para nada interesados en cambiar de modelo, esas 300 persoas non o van a permitir a que lles reduzan os seus previlexios, e os seus secuaces xa están a dicilo abertamente, o capitalismo NIN TOCALO!!!. (BUSH, AZNAR, MERKEL,  KLAUS....). A cidadanía ten que participar de xeito activo, manifestarse, esixir que os distintos gobernos lles renda contas a eles e non á banca. Teñen que esixirlles que empecen a gobernar para a cidadanía e non para os poderes económicos, teñen que facer POLÍTICA con maiúscula.

Vai sendo hora que os estados xestionen o poder da cidadanía, sexan fortes e democráticos. Estados fortes que corrixan as desigualdades do mercado e interveña abertamente sen complexos cando un poder económico incumpre cos dereitos sociais en particular e humanos en xeral. Uns estados que teñan como valores centrais os do HUMANISMO e o respecto polo entorno. Pero insisto creo que polas boas non van cambiar de modelo, imos ter que loitar nas rúas para conseguir o cambio, esta é a oportunidade, como di a canción IT´S NOW OR NEVER. 

Posto por MacLapfer. 

Un tercio das vítimas menores de 16 anos.

Preto dun tercio dos 689 Palestinos asasinados polo exército israelí na ofensiva contra HAMAS, son nenos e adolescentes menores de 16 anos, segundo os servizos de urxencias Palestinos.

Asasinados, un total de 220 xoves polas balas xudeas dende o 27 de decembro,segundo Mouawiya Hassanein, Xefe do servizo de Urxencias.

A proporción das vítimas civís aumentou intensamente dende a ofensiva terrestre, o 3 de xaneiro, xa que os combates se desenvolven nas zonas habitadas.

Por outra banda, a organizacióin internacional Save the Children expresou a súa preocuación polo aumento na cantidade de nenos que en conxunto coas súas familias deben forzosamente fuxir dos bombardeos e dos seus fogares.

O pasasdo martes, 43 persoas foron ASASINADAS e maís de 100 feridos nun ataque israelí contra a escola da ONU, no norte da franxa de GAZA.

Para xustificarse o exército DE ISRAEL afirma que o fixo para contestar a uns cohetes que proviñan desas escolas, cando a propia ONU o desmentíu.

Non quero continuar porque me poño de moi mal humor.

É unha vergoña, que no mundo occidental do que tantos son fachendosos, ninguén teña a autonomía moral de pararlle os pés a esta política xenocida de ISRAEL, que  tristemente  o "impresentábel" de Chávez sexa   o único que tivo a valentía de tomar unha medida coherente como expulsar ao embaixador de Israel.

E eu me pergunto, realmente pensa Israel que por esta vía vai a solucionar o problema de Oriente medio, pensa realmente Occidente que así van a paralizar a radicalización do mundo musulmán. Se realmente o pensan, e que teñen un grande problema de capacidade, e estamos gobernados por "incapaces".

Posto por MacLapfer.