O falar non ten cancelas

Hoxe por casualidade atopei esto cando miraba a edición impresa de El Pais, e o mellor de todo é que non estaba coas tiras cómicas.

Fala o home con toda a autoridade, como se lle quedara algunha credibilidade despois do 11M, e suponse que todos temos que creer o que el dí.

Quizais cando o seu partido condene o alzamento militar do 36 contra un goberno lexítimo elexido democráticamente polos cidadáns entón recupere algo de credibilidade. Ou cando pida desculpas polas mentiras, insultos e as súas reiteradas faltas de respecto ós cidadans.

Mentras tanto que non espere que confiemos no que nos conta e que ante a "palabra de Acebes" a cidadanía conteste: "Te alabamos, señor"

Posto por Fror de Toxo

Miraras o que miraras onte na tele, sempre era o mesmo, a infanta Sofía, outra mantida máis por todos nós.

Que os manteñan os monárquicos!. Quero que na declaración de facenda me dean a opción de non contribuír a manter a estes parásitos/as. 

Tanto encherse a boca aos políticos coa verba "Democracia" non haberá nada máis anti democrático e anacrónico que un xefe de estado vitalicio que obten o seu posto por herdanza?

VIVA A REPÚBLICA

Posto por MacLapfer

Segundo as últimas novas que eu teño a ANV vai poder concurrir ás próximas eleccións munipais, probablemente neste mesmo momento algún dirixente do PP que esté de garda estará facendo estas declaracións:

Grrrrrrrrrrr,arrrr,urrrrrrrrurrrrrrrr,brrr,grrr,grurrrrrrrrrr, ahrrrrrrrrrrrr,grrrrr,grrrrrrr,grrrrrrrrr,ahrrrrrgrrrrr,grruurrrrrrr, ahrrrrrrrrr,brrrrr,brrrggrrrrrrr,grrrrrrurrrrrrrrr,ahrrrrr,arhhhhr, arrrr,grhrrrrrrrr,,grrrrrrrrrr,ghrrrurrrrrrrr,brumrrrr,grurrrrrrrrrr, ahrrrrrrrrr,brrrrrrarrhhggrrrrr,arhhhhr.

 E á volta da ponte oiremos  ó resto dos dirixentes do PP, a Federico é a todos os tertulianos e comentaristas de ultra dereita dicir algo coma esto:

Arrrr,grrrrrrrrr,,grbrrrurrrrrrrr,arh,brumrrr,grurrrrrrrrrr, ahrrrrrr,grrrrrrr,grrrrrrr,grrrrrrrrr,ahrrrrrrrrrr,grrrruuurrrrrrr, ahrrrrrrrrr,brrrrrrrrr,brrrrrrr,grrrurrrrrrrrr,ahrrrrr,arrrrrrrrrr, ahrrgggg,hrmrrrrr,hummmmrrrrrrr,grurrrrrrrrrrr,brmmmm, rrrrrrr,ahrrrr,grrrrrrrrr,arhhhhhh,grurrrrrrrrrr,grrrrrulrrrrr, mmrrrggrrr,ahrrrrr,grrrrr,grrrrrrr,grrrrrrrrr,ahrrrr,rrruurrrrg, brrrhrumr,grggrrrr,ahrrrrrrrrr,brrrrrrrrrr,brrrrrrrrrr,gurrrrrrrr, ahrrrrr,arhhhhr,hgrrrrrrrumrr,,grrmrrrrrrr,,grbrrrrrrurrrrrrrr, brumrrr,grurrrrrrrrrr,grrrulrr,arhrrr,ahrrrrrrrrr,rrgrrrrrrr,grrr, ahrrrr,rruuurrrrrrr,grrrrhggrrrr,brrrrrg,ahrrrgggrrugmrrrrrrr, brrrrrrr,gurrrrrrrr,ahrrrrr,arhhhhr,hgrrrr,brrrrrrrrg,humrrggg...

 E así ata a próxima, que seguramente, será dentro de moi pouco.

Posto por Fror de Toxo

O status do Sahara-Occidental faise esperar. O consello de seguridade da ONU debe arbitrar dúas proposicións inconciliábeis presentadas por Marocos e a Fronte Polisaria.

Un tribunal d´EL Ayoun no Sahara-Occidental ocupado por Marrocos condenou o 17 de abril aos militantes dos dereitos do home Yahdkh Tarruz, Ameidan Luali e Bachri Ben Taleb a penas de prisión dun ano e seis meses para o primeiro e de cinco anos para o segundo.

 Aminatou Haidar, coñecido pola súa defensa en favor dos dereitos dos Saharauis, rexeitou entrar no tribunal e foi perseguido ata o seu domicilio polas forzas da orde de Marrocos.

A intimidación e a represión nesta antiga colonia do Estado Español, anexionada por Rabat no 75, son algunhas das consecuencias do entramado deste conflito. A pesar do despliegue das Nacións Unidas para a organización dun referendo, mandato que expira o 30 de abril, debería prolongarse seis meses, segundo as recomendacións do informe do secretario xeral Ban Ki-Moon. Venres, fontes diplomáticas da ONU indicaron que o Consello de seguridade debería estes días reunir as partes implicadas para retomar as negociacións directas en canto ao Status do Sahara-Occidental. Pero tendo en canto as declaracións parece que o día pode tardar en chegar.

Os protagonistas do conflito transmitiron ao Consello de Seguridade dúas proposicións irreconciliábeis. O 10 de abril, a Fronte Polisaria fixo coñecer a súa "solución política aceptábel" que, "no espíritu da letra" das resolucións internacionais e do plano Baker, proclama un referendo de autodeterminación "auténtico". No caso de votar en favor da Independenza, a Fronte Polisaria díse preparada, para un "acordo sobre a negociación en igualdade de condicións que permita a explotación en común dos recursos naturais existentes"

Marrocos, pola súa banda, propuxo "un status de autonomía" con prerogativos financieiros, xudiciais...., pero baixo o amparo do Reino de Marrocos que conservaría a exclusividade dos atributos da soberanía (bandeira, himno e moeda) ademáis das competencias constitucionais, a seguridade nacional, as relacións exteriores..... Despois da negociación, a súa iniciativa sería sometida a referendo, que segundo Rabat ten o apoio do Reino de España. Esta proposición, que impide o proceso de descolonización, foi por suposto rexeitado pola Fronte Polisaria.

Posto por MacLapfer.

Hoxe cúmprense 33 anos da revolución dos caraveis, eu non a recordo e MacLpafer vagamente, xa que era moi pequerrecho, pero si se lembra de ver na tele un montón de militares con caraveis nos fusís e non entendía moi ben o que iso significaba.

Casualmente o setembro pasado, estivemos na fortaleza de Peniche (ao norte de Lisboa). Dita fortaleza foi utilizada coma prisión  ao longo da ditadura de Salazar, e cando nós fomos visitala había unha exposición sobre os que padeceron o presidio ao longo da ditadura. Gustounos moito, porque incluso tiñas a posibilidade de sentir como era a vida dos presos, xa que te podías meter nas celdas, no parlatorio, todo fielmente reproducido. Unha exposición de memoria histórica e de débeda cos que padeceron a ditatura Lusa, e sen tantos oubeos coma no noso Estado. Unha exposición ao fin e ao cabo onde de verdade se deixa ben claro quen foron as vítimas e quen foron os verdugos. Algo que deberían aprender no Estado Español, algúns revisionistas da historia máis recente, que queren meternos a todos no mesmo saco.

Nesta exposición tamén había fotos do día da revolución dos caraveis, cando liberaron aos presos. Eran emocionantes. Non hai nada máis emocionante que a liberdade. Nós queremos sumarnos a esta homenaxe, tendo presente a canción de Vila Morena de Zeca Afonso, porque pensamos que foi a revolución europea máis bonita do século XX.

Posto por  Fror de Toxo e MacLapfer

Quero denunciar o mal estado no que se atopa o piso da estrada que vai de Compostela ata a autovía Coruña - Lugo, pasando por Curtis. Ben é certo que arranxaron os 20 quilómetros finais dos 65, pero os primeiros son un martirio para os amortigüadores do meu coche.

Aínda que é certo que hai moito animal na estrada, eu seino ben porque ando moito por ela, non é a única causa da alta accidentabilidade do noso país. Non hai máis que botarlle un vistazo a estradas que soportan un alto grao de tráfego, e que seguen a ter un piso polo que temos que andar ou ben a tropezóns ou en zig zag para sortear os baches.

Así que Magdaleniña, xa que non sei se chegarei a ver o "seudoave" ou "galiña choca" polo menos arranxa as nosas estradas.

Posto por MacLapfer

Últimamente non fai mais que sair na prensa novas sobre esta fundación do estupendísmos que son, e de canto  fan polo colectivo xitano. Quixera facer unha serie de puntualizacións ao respecto desta fundación, a nivel informativo, para que saibades de quen se trata.

 É unha das inumerábeis fundacións vinculada co mundo da igrexa (que raro!), que sobreviven grazas a orzamentos públicos.

 Perceben fondos públicos a nivel europeo, estatal, das distintas comunidades autónomas e a nivel local en toda España.

 Supostamente traballan en dúas areas no ámbito social e no ámbito do emprego co programa ACCEDER para inserción socio laboral do colectivo xitano.

O cumprimento dos seus obxectivos é mais que dubidoso, é máis hai moitas outras asociacións e organizacións políticas xitanas que dubidan da súa boa intención.

Ademais mercan case todos os locais onde realizan as súas actividades, xuntándose cun patrimonio inmobiliario por toda a  península grazas aos cartos públicos que son de todos.

Sábese tamén que xitanos/as con verdadeiros problemas sangrantes foron abandaoados á súa sorte. Iso si, non teñen ningún problema en utilizalos diante dos medios de comunicación (fan recopilación de novas) para seguir a conseguir fondos.

Posto por MacLapfer.

Despois de defender a identidade nacional, agora é o máis grande abanderado do determinismo xenético, parece ser que cre que tanto os suicidas como os pederastas o son por unha distribución xenética particular. Como me sona isto a "nacional socialismo", non hai máis que ver como coquetea con Le Pen. Pois debería ter coidado co que di "le petit Sarkozy", xa que é orixinario de Hungría e para máis inri aínda que ben que coida de non decilo nunca e todos os medios de comunicación da dereita tampouco o publicitan, dunha familia xudea.

Non se publicita porque os mesmos que utilizan argumentos "seudodeterministas" para aniquilar todo tipo de razas e pobos, ou defender valores racistas e xenófobos poderían deixar de prestarlle o voto se se enteran da orixe hebrea do "petit Sarkozy"

Posto por MacLapfer

 Non teño ningunha interese en defender a Melchor Roel, non é santo da miña devoción, pero a verdade é que os do PP despois de facelo a nivel do estado e de Galiza extenden o seu patetismo a nivel local, intentar afundir ao bipartito de Viveiro por unha hipotética irregularidade nunhas dietas do alcalde de 1200 euros. Cando en Viveiro teñen o alcalde que menos cobra de toda a mariña, e leva anos sen cobrar dietas, por ter un interventor que fai o posíbel para dinamitar as accións de goberno do bipartito.

Teremos que recordar as multitudes de irregularidades do Señor Aja,  creo que pensa o ladrón que todos son da súa condición. Eran mellores os tempos nos que se mercaba marisco coa VISA.

Posto por MacLpafer.

Nesta semana santa andivemos a pasear por estas terras, e queremos compartir esta beleza con vós.

Posto por Fror de Toxo, Trasno e MacLapfer

Para facer país e  boca unhas fotiñas da feira do queixo do Cebreiro.

Coa chegada da semana santa non nos damos librado de toda clase de manifestacións relixiosas , nada envexábeis en  calquera país ferventemente islámico.

E pensar que o de sacar os santos á rúa foi un invento da contrareforma, sobre todo nos países latinos e moi especialmente na península, para asustar ao pobo analfabeto para que non se arrimaran aos seguidores de Lutero.

Igorancia e relixión combinación moi propia do Estado Español.

Por isto reivindico que nesta semana exista unha alternativa socio cultural  laica e festiva, para os libres pensadores onde poidamos desconectar e entregarnos a outro tipo de "paixóns".

Posto por MacLapfer e Fror de Toxo

Recibín isto dunha amiga por correo electrónico e pareceume tan tenro que quería compartilo.

Posto por MacLapfer.

Esta é a pregunta que hoxe se fan en San Marcos despois de que onte á noite un veciño sufrira un atropelo mortal. Non é a primeira vez e sen nengunha dúbida non será a última. En pouco máis de dez anos tres persoas morreron atropeladas nun tramo de menos de douscentros metros.

 A pesar da construcción da nova autovía que leva ó aeroporto, a carreteira vella que une Lavacolla con Santiago segue soportando moito tráfico. Os veciños de San Marcos teñen que sufrir un constante trafego de vehículos que baixo o pretexto de que hai unha boa recta atravesan a localidade a toda pastilla, e todo isto sen un paso de peóns, un semáforo, ou un triste tramo de beirarúa.

As citadas beirarúas foron prometidas polo concello hai anos, disque.

Hoxe síntome impotente e por iso recurro á única ferramenta da que dispoño, este blog, para facer un pouco de presión. Sei que é como tirar unha botella ó mar pero non por iso vou deixar de intentalo.

Espero que o señor Bugallo recapacite e deixe de mirarse o embigo, o rural de compostela agoniza carente dos máis elementais servizos básicos, hai parroquias que se declaran en rebeldía reclamando a independenza (sorte veciños de Enfesta) doídos polo abandono do concello e o reiterado incumplimento das promesas polas que se anexionaron a compostela. Mentras o noso alcalde so se preocupa dos grandes proxectos propios da capital, aqueles que o levan a aparecer na prensa.

Ou mellor ainda (como o señor Bugallo xa dispuxo de dúas lexislaturas e nada nos fai pensar que esté disposto a cambiar o seu xeito de actuar nunha terceira) espero que eleitoralmente recolla os froitos da súa mala xestión. Merecemos un alcalde que invirta máis na mellora dos servizos e menos en bombardearnos con propaganda.

Tamén me anoxa a cantidade de individuos amorais que xermolan nesta sociedade enferma, capaces de seguir adiante e pensar que a súa vida vai seguir igual despois de segar unha vida e fuxir para non asumir responsabilidades, pero isto será motivo doutro post.

Posto por Fror de Toxo

Onte fomos os tres ao concerto de Jazz  de  Philip Catherine trio, dentro da programación compostela jazz, no auditorio de galicia.

Nin que dicer ten que nos gustou, o jazz nunca me deixa de abraiar como tres músicos poden chegar a unha confluencia tan marabillosa.

Ademáis houbo unha canción na que nos fixo partícipe ao público, na que tiñamos que imitar tatareando as notas que o guitarrista tocaba, onde por un momento todo tipo de público confluíamos tamén nun tatareo máis ou menos desinhibido. As veces a comunicación non necesita máis.

En definitiva se un día tendes a oportunidade de velos, merece a pena.

Posto por MacLapfer.